Legjenda angleze, Frank Lampard, ka lavdëruar paraqitjen e Ëillianit, por edhe ka edhe një kërkes nga ai.

Braziliani Willian, ishte lojtari më i mirë i ndeshjes, i cili para se të shënonte golin për Chelsea në minutën e 62, në pjesë të parë goditi dy herë shtyllën e portierit gjerman, Andre ter Stegen.

Megjithatë, Lionel Messi arriti të shënonte dhe ta barazonte rezultatin në 1 me 1.

Ikona e klubit londinez, Lampard, ka folur në rolin e analistit në BT Sport.

I pyetur për paraqitjen e Willianit, ai deklaroi se ishte më i mirë por se duhet të ketë më shumë vazhdimësi në paraqitjet e tij.

“Ai ishte i mrekullueshëm, ai ishte lideri. Ne të gjithë shikonim Hazar para fillimit të ndeshjes, por unë mendoj se Willian ishte lideri sonte”, tha Lampard.

“Ai ishte i pafat kur goditi dy shtylla në pjesë të parë. Ai i tregoi Barcelonës se çfarë mund të bën, e që është goditja e fortë me këmbën e tij të djathtë dhe herën e tretë e vendosi në rrjetë. Ishte një gol fantastik nga ai”, shtoi Lampard.

“Unë e kam parë duke e bërë këtë në stërvitje disa herë, kur flasim pse nuk po luanë ai, është për shkak të jo vazhdueshmëris. Disa thonë se është viktimë e strukturës së skuadrës, sepse Pedro ka qenë fantastik tërë sezonin. Tani është te ai, të tregojë se ai është lideri. Unë nuk mendojë se e ka bërë këtë gjithmonë, por në këtë formë që ka, është një nga top lojtarët”, përfundoi Lampard.

Ndeshja e kthimit do të zhvillohet me 14 mars. /arbresh.info/